anemi/o ^PVEF

Manko de hemoglobino (kutime pro tro malmultaj ruĝaj sangoĉeloj) en la sango: dum gravedeco ĉe ŝi okazis anemio, kiun forigi helpis nek tablojdoj, nek injektado de feraj preparaĵoj [1]; la simptomoj [de celiakio] povas multe varii, […] inter la plej kutimaj estas ventrodoloro, lakso, maldikiĝo, anemio, muskolaj kaj ostaj doloroj, psikaj problemoj [2]; en tiun grupon de [prionaj] infektoj oni enigis la infektan anemion de ĉevaloj [3]; revidante ruinigita de l’ anemio la junulinon, kiun, antaŭ unu monato, ŝi lasis brilanta de forto kaj de juneco, la markizino ne povis deteni siajn larmegojn [4].