^*lak/o ^UV

Rezina solvaĵo uzata por surkovri kaj glazurbriligi objektojn: ŝiaj ungoj estis kolorigitaj per pala rozkolora lako [1]; ĉiujn pupojn la pentristo kovras per lako [2]; ili uzas tradician delikatan pentradon, [per] akrila farbo, lako kaj lana teksaĵo [3]; li ĉiam vendas nigran lakon por fornoj [4]; la lako, la floroj en la fenestro kaj la folioj de la maljuna arbo estis en la trankvile gaja humoro [5]; la unua objekto, kiu altiris ŝian rigardon estis skatolo el Koromandela lako admirinde konservita [6]; Nissan eksperimentas pri simila tekniko por memriparo de skrapaĵoj en lako de aŭtomobiloj [7]. ŝelako, vernisoemajlo¹, farbo, glacea, glazuro¹

(tr)

Ŝmiri per lako: belegan lakitan ŝelon de juglando ŝi ricevis kiel lulilon [8]; la tablo estas el ligno pentrita kaj lakita kvazaŭ jaspo [9]; lakitaj pantofloj ^Metrop ; dek du seĝoj gravuritaj kaj lakitaj [10]; da estingita kalko pulvorigita 100 gramojn, da ovoblanko bone batita 10 gramojn kaj da aluno pulvorigita 12 gramojn […], aldoninte al tiu ĉi miksaĵo pli da ovoblanko aŭ da gluo solvita en nafto, por ĝin pli maldensigi, oni povas ĝin uzi por laki vazojn [11].

Artaĵo kovrita kaj beligita de lako: por riĉigi la kolorojn de lakaĵoj, la lakistoj aŭ inkrustis lakaĵojn per perlamoto, oro, arĝento kc., aŭ ĉizis strekojn sur la surfaco de lakaĵoj por doni kolorojn [12].

Kosmetika lako per kiu oni kovras ungojn por ilin ornami aŭ protekti kontraŭ difektoj: tiom longe, kiom la ungolako ne sekiĝis, ino fakte estas sendefenda [13]; mi kisas ŝiajn sekajn vejnkovritajn manojn, ŝia ungolako jam parte defalis de la ungoj [14]. ungoverniso