tradukoj: be ca cs de en es fr grc hu nl pl ro ru sk

klerik/o ^Z

kleriko  ↝

Eklezia funkciulo; ekleziulo: pastroj kaj klerikoj interkonsentis speciale festi, ke finiĝis […] la religiaj kvereloj [1]; alia kleriko […] priskribis la vojon ekde Poitiers, Francio, verkante la unuan turisman gvidilon pri Santiago de Compostela [2]; neniu, krom kelkaj islamaj kaj kristanaj klerikoj, ricevis la permeson […] viziti la prezidanton [3]; Petrarko akceptis la klerikan karieron kiel honorindan profesion [4]. laiko¹

klerikaro  ↝

La korporacio de klerikoj ene de eklezio¹: [aperis] du novaj sociaj kategorioj, kiuj sin profesie ekprezentis: la medicinistaro kaj la klerikaro [5]; la blanka klerikaro (en ortodoksismo, la klerikoj kiuj vivas inter la laikoj kaj rajtas esti edziĝintaj); la nigra klerikaro (en ortodoksismo, la klerikoj monaĥiĝintaj, kio estas deviga por la ĉefpastroj).

klerikisma  ↝

Favora al la klerikaro kaj al ĝia superregado; klerikala: ĉu la mondo, por kies savo Kristo komisiis al ni la disvastigadon de la Bona Novaĵo, ne interpretus nian revenon al la latina kiel eklezian (aŭ, tre eble, klerikisman) deziron por izola enmemiĝo [6]?

klerikismo  ↝

Politiko favora al la klerikaro; klerikalismo.

kontraŭklerikisma, kontraŭklerika

Malfavora al la rego, al la influo, al la ekzisto de klerikaro: post lernado en la komunumo, de Cleyre komencis sian intelektulan engaĝon en la forte kontraŭklerika Liberpensisma movado [7].

kontraŭklerikismo

Opinio, agado kontraŭa al la socia rolo de klerikaro.