²liberal/a ^JED

1.

Favora al libero kaj toleremo en sociaj, politikaj, religiaj aferoj: liberalaj partioj, doktrinoj, opinioj, institucioj; liberala spirito; serĉadi pseŭdo-liberalajn kompromisojn inter la plimulto kaj la malplimulto [1]; la multjare regantaj liberaldemokratoj perdis kaj suferas splitiĝon [2]; kun la religia liberaleco kontrastas du sintenoj, kiuj estas ofte konfuzataj […]: por la fundamentistoj tre gravas la sanktaj tekstoj, kiujn ili interpretas kiel laŭvortan veron […], por la nefundamentismaj konservemuloj, aliflanke, tre gravas la tradicio de ilia religio, kiun ili ne volas ŝanĝi [3]; la ekonomia liberaligo ebligis revigligi la ekonomion de la lando [4].

2.

(evitinde) (p.p. antikvan profesion, vd libera profesio, rim.) Liberula.

1.

Politiko celanta permesemon rilate al la individuoj kaj forigon de privilegioj: liberalisma socio [5].

2.

Ekonomika doktrino malaprobanta ŝtatismon kaj favoranta memregantan liberan merkaton kaj konkuradon: liberalisma ideologio [6]; oni proklamos vin malamiko de la nura valora nuna kapitalisma liberalismo [7]. protektismo

Iu de liberala pensmaniero, politiko ks: liberaluloj malbenitaj [8]! tiuj unuaj esperantistoj jam estis pacifistoj, kleristoj aŭ liberaluloj, antaŭ ol ili konatiĝis kun Esperanto [9]; atentu pri la diferencoj inter religiaj fundamentistoj, konservemuloj, moderuloj kaj progresemaj liberaluloj [10].

Malfavora al libero kaj toleremo en sociaj, politikaj, religiaj aferoj: en 2014 Orbán malferme deklaras ke Hungario nun estas malliberala demokratio [11]; kvankam Schleyer estis politike reakcia kaj mallibera, li persone estis ĝentila kaj tolerema [12]; li starigas sian unusolan praktikan proponon por alirebligi kaj demokratiigi la anglan, tute laŭ lia prefero de „natura“ memlernado: malpermesi voĉtradukadon en kinejoj, televidkanaloj, DVDoj kaj interreto, – amuze, kiel lingva liberalismo kondukis nin al malliberala solvo [13]!

Ekonomika doktrino favora al libera interregna komercado tutmonda: la laboristpartiaj gvidantoj glitis kun surpriza facileco al la novliberalismo, bazita sur la ideo laŭ kiu la merkata libereco garantias la individuan liberecon [14]; rigora nov-liberalismo: ĝi privatigis la ĉefajn ŝtatajn entreprenojn – […], draste faciligis la maldungon de laboristoj kaj la disvastigon de portempaj laborkontraktoj [15].